455. hamı deyir ki, sözlüyü ərgənlər basır. yaxşı.yazarlar gedir. ergenleri/cahilləri azaltmaq lazımdır. #121560 bu və bu #121564 entrylərdə həqiqət var. yazar deyir ki sözlükdə pis yazarlar çox deyil sadəcə fikirlərini yazıya tökəməyənlər var. mən isə deyirəm ki, onları sözlükdən xaric etmək yox, aramızda saxlayıb püxtələşməklərini gözləmək lazımdır. içlərindəki manqurtları, ssg-ləri çıxarmaq lazımdır.
bir qohumumuz var, 15 il əvvəl moskviçlə tərəvəz satırdı. indi kollec direktorudur. həmişə deyirlər ki necə bacardın yıxılan kolleci ayağa qaldırmağı. kollec bağlananda o götürüb işlətməyə başlamışdı. sıfır müəllimlə başlamışdı işə, indi neçə müəllimi var. bir dəfə bu suala çox yaxşı cavab vermişdi, dedi ki "mən yemək masasında hamı çörəyini götürəndən sonra yerdə qalan bayat çörəyi yeyən biri olmuşam həmişə. kollecin müdürü olanda müəllim tələbə yox idi, mən rayonun ən yaddan çıxmış müəllimlərini yığdım. bayat çörəklərini. və birgə işə başladıq. o müəllimlər unutulmuşdular. birinin onları yada salmasına çox sevindilər, və dörd əllə həyata yapışdılar. içlərindən bəziləri getdikcə daha da güclü müəllim olmağa başladı. və beləcə biz yavaş yavaş bacardıq."
söhnət içki masasında gedirdi, və məni çox təsirləndirmişdi. sözlükdə də eyni yolu izləməyə üstünlük vermişik həmişə. indiyə qədər sözlükdən çox az yazar silinib. çünki həmişə son bir şans verib, yaxşı yazar olmalarını gözləmişik. içlərini tökmələrini.
yenə eyni yolu izləyirik. təəssüf ki sözlükdə izlədiyimiz yolu bəyənməyib yazmağı dayandıran gückü dostlar var aramızda. yazmağı dayandırmaqlarına üzülürük. ancaq, onlara, bu sözlüyün bir azərbaycan sözlüyü olduğunu, və azərbaycanın aynası olduğunu xatırlatmaq lazımdır. sözlükdəki yazarlara "cahil" deyib kənara itməmək lazımdır. azərbaycanın yarıdan çoxu cahildir. cahillik bəzən seçim, bəzən məcburiyyətdir. biz cahilliyi məcburiyyət olan insanlara bir platform vermək istəyirik. ana dillərində bir platform. üfüqlərini aça biləcək bir platform. inanın mənə. sözlüyə sadəcə güclü yazarları yığıb, zəifləri silsəydik, o güclü yazarların oxuyucuları olmazdı. çünki üfüqü geniş yazarlar bir-birlərini oxumadıqları üçün oxuyucuları olmayacaqdı, təxminən nə yazdıqlarını bildikləri üçün. yazan isə, oxunmaq istəyir. oxuyan isə, bir müddət sonra yazmaq istəyəcək.
köhnə, güclü yazarların bəzilərinə yazmaq maraqslz olduğu üçün yazmırlar, buna sözlüyün edəcəyi heç bir çarə yoxdur. adamın dərdi sözaltı ilə deyil. yazmamaqladı. ancaq köhnə yazarların bəziləri sözlükdəki sistemi sevmədikləri üçün yazmırlar. onlara sözlüyə bir şans vermələrini diləməkdən başqa əlimizdən çox bir şey gəlmir.
bəziləri fikirləşir ki, mən bunu niyə yazım ki, oxuyanın olmadığını, birinə faydası olmadığını düşünürlər. ancaq elə deyil. mən öz təcrübəmdən, gördüklərimdən deyirəm, sözlük 2.5 ildir var. daha əvvəl 2-3 illik bir formumuz olmuşdu, internetlə, yazılar yazmaqla iç içə biri olaraq yazılanlarla necə insan yetişdiyini çox görmüşəm. sənə çox adi gələn yazı, fikir, bir başqası oxuyanda onun üfüqünü necə açır, həyata baxışını necə dəyişir bir görsən, birinin öz eyni fikirli dostları araslnda oturarkən, bir gün o eyni fikirlilikdən çıxıb sənin yazdığın fikirlərdən özünün belə xəbəri olmadan necə sitat gətirdiyini, və dəyişdiyini görsən, yazmağı daha çox sevərsən dost.

bugün nuri bilge ceylan cannes mükafatını aldıqdan sonra çox gözəl sözlər dedi, dedi ki "..bizim insanımız cahil ola bilər, hisslərini itirmiş ola bilər. ancaq dedi biz filmlərimizlə onlara insanlıq hisslərini bir peyvənd kimi geri qazandıra bilərik. onları daha hissiyatlı edə bilərik. dövlətin özbaşınalığına qarşı bilincli insanlar yetişdirə bilərik filmlərimizlə.."

bilgi gücdür.